एजेन्सी\ उत्तर पूर्वी मालीमा इस्लामिक लडाडुहरुले नदीमा रहेको डुंगामा आक्रमण गर्दा ४९ जना सर्वसाधारणको मृत्यु भएको त्यहाँको अन्तरिम सरकारले जनाएको छ ।
लडाकुहरुले सेनाको क्याम्पमा समेत आक्रमण गरेको छन् । सो आक्रमणका क्रममा १५ जना सैनिकहरू मारिनुका साथै ५० जना विद्रोहीहरु समेत मारिएको बताइएको छ ।
सरकारले तीन दिने राष्ट्रिय शोकको घोषणा गरेको छ । विश्वभर भाडाका सैनिक उपलब्ध गराउने वाग्नर समूहको जोखिम रहेको आँकलन गरिरहेका बेला इस्लामवादीहरुको खतरा झन् बढ्दै गएको हो ।
मालीको उत्तरी सहर टिम्बक्टुमा गत महिनाको अन्त्यदेखि नाकाबन्दी जारी छ । पछिल्लो समय सो स्थानमा चल्ने यातायातका साधनमा धेरै आक्रमणहरू भएका छन् ।
नाइजर नदीमा गाओ शहरबाट मोप्तीतर्फ जाँदै गरेको डुङ्गामा लडाकुहरूले आक्रमण गरेको बताइएको छ । गाओ क्षेत्रको बोरेम सर्कलमा रहेको सेनाको शिविरमा पनि विद्रोहीहरुले आक्रमण गरेका छन् । मालीमा सन् २०२० देखि सैनिक शासन छ ।
प्रतिक्रिया दिनुहोस्